Télécharger au format pdf (2,6 Mo)

(Le Faucon et Le Chapon)
Mettèz-vous bèn dins la cervèllo
Qu'es pas toujours prudènt d'anar
Mounte vous entendèz sounar.
La coustumo doou chin qu'aviet Jan de Nivèllo
Es uno precooutien bèn boueno et pas nouvèllo.
LOU JACOT ET LOU CAPOUN
Dins la cour d'un castèou, lou pichot marmitoun
Sounavo de dessus la pouarto
Un jouine et supèrbe Capoun,
En li cridan d'uno voues fouarto:
— Peti, tè de moundilho et de mèi, vène dounc!...
Mais nen voues de Capoun? Hoc.. lou diable l'empouarto.
Trobi qu'aviet resoun; l'avien fach venir gras
Rèn que pèr l'entaular dins quauque grand repas
(Quand l'home fa de bèn l'interès lou coumando.)
Pèr revenir, nouestre Capoun
Fugiet la brocho, lou fugoun,
Subretout l'engeanço groumando.
Sur soun ajoucadou.Jacot, dins un cantoun,
Li fet: — Entèndes pas? lou mèstre ti demando;
Sies gaire bèn appres, anèm, despacho-ti;
Si vis bèn de mounte as sourti,
Et, coumo touto la poulailho,
Sies naissat de la paysanailho.
Yeou sieou mies enduquat, quand mi souenoun, li vau
Pèr saupre catecan ce que lou mèstre voou...
— Taiso-ti, darnagas, sies qu'un paure barjaire,
Respoundet lou Capounn; se pèr far soun fricot,
Lou mèstre touis lèis jours demandavo un Jacot,
Se tèis paries mourien coumo n'autris, pecaire,
Babilharies pas coumo aquo;
Ti l'acroumparies un pauc vite,
Quand entendries aqueou fourçat
Que ti cridariet: Vène èiça!
Se li vas en courrèn es pèr fin que ti jite
De sucre vo de pan sauçat.
Fa bouen dounar counsèou quand avez rèn à cregne!
Sies coumo aquelis gens que dien: N'aguèz pas poou!
Tremoulèz pas! tenèz lou cooup!...
Mais, drès que si sèntoun estregne,
Adieoussias, lèis avèz proun vis!
Yeou partagi bèn soun avis:
Quand siam dins lou dangier (la cavo es counèissudo)
Tau douno de counsèous que douno pas d'ajudo!
(Le Chat et Le Ray)
LOU GAT ET LOU GARRI