Télécharger au format pdf (2,6 Mo)

Pèr uno fiero, ou bèn... noun sai;
Aviet mes sèis paquets, sèis prouvisiens sur l'Ai,
Et Brilhant, soun bouen chin, qu'aviet fouesso couragi,
Ero eme eou pèr gardar lou mèstre et lou bagagi.
Un jour, que fasiet caud, lou marchand s'endourmet
Dins uno pradarie mounte l'hèrbo èro bèllo;
Aviet laissa Brilhant pèr faire sentinèllo.
Dins lou tèms de soun souen, lou Grisoun s'en dounet
Eme l'hèrbo fresquo et nouvèllo.
Lou Chin, que si sentiet lou véntre gaire plen,
Li fet: — L'Ai, moun ami, baisso ta canestèllo
Prendrai moun troues de pan; tu manges de bouen fen,
Et yeou moun dejuna mi fariet quinquinèllo.
Alors Bourrisquou, l'imprudènt,
De poou de perdre un cooup de dènt,
Respouende au Chin: — Es pas moun ordre;
Tant que lou mestre dourmira,
T'avèrtissi, n'as rèn à mouordre;
D'abord que si revilhara,
Sies segur que t'en dounara.
(Aquoto es estounant, car l'Ai n'a ges de vici.)
Ensin fan d'emplegas que plaignoun sèis moumens,
Quand vous pourrien rèndre sèrvici;
Vous dien qu'es pas la lèi, vous parloun de justici;
Mais creignoun pas d'anar contro lèis reglamens,
Pèr tirar sèis appouintamens!
Lou paure Chin, visèn que l'aviet rèn à faire,
Crouquavo lou marmot, pecaire,
Fauto de pan, de carn vo d'oues.
Mais dins d'aqueou moument vesoun sourtir doou bouesc
Un Loup qu'aviet lou ruscle et sèrquavo pasturo.
L'Ai fet au Chin: — Brilhand, vèns-ti mettre en pousturo
Pèr fin de mi defèndre; au secours, moun ami!
Ho! fet BrilLand, espero-mi...
Vau faire un dejuna campèstre.
Ti laissi l'ajudo doou mèstre:
Tant lèou que si revilhara,
Sies segur que ti défendra.
Toun ami lou voueli plus èstre.
Quand lou Loup sera aqui, sies bèn farrat de noou,
Serve-ti de toun pè, ficho-ni-nen un cooup
Que l'espautisse la ganacho
Et li desgargailhe la facho.
Defènde-ti, fais bouen prépau,
Tue-lou dins lou tèms que m'envau,
Adieou... Lou Loup vesèn que poou faire sa casso,
Sèns peno arrambo l'Ai, l'estrangoulo et l'estrasso.
Pourriet bèn arribar qu'un jour
L'home qu'ajudo pas sèis fraires
Fousse mau dedins sèis affaires
Et troubesse ges de secour!
(L'Avantage de La Science)
L'AVANTAGI DOOU SABER