Télécharger au format pdf (2,6 Mo)

Subran fau tout quittar pèr li dire: Eici siam!)
Toutis lèis animaus, banaruds, sènso banos,
Pèr li plaigne lou doou quitteroun sèis cabanos,
Vengueroun enfetar lou Rèy... Lèis reçubet,
Bèn qu'auriet mies aima de plourar tout soulet
(Dins d'aquelis moumens lou troupèou vesitaire
Luench de vous counsoular, helas! vous ficho un caire.)
Manderoun catecan, pèr far l'entarrament,
Dire èis gèns de venir sènso pèrdre un moument.
Si renderoun subran: lou pople flattejaire,
Pèr far sa cour au Rèy, venguet faire vejaire
De plourar. Mais lou Cèrf, qu'es pamens pas marrit,
Plouret pas. Nen aviet que disien meme: — A ri!
Lou paure! aviet pas tort de gardar sèis lagrèmos;
La Lienno, dins dous ans, l'aviet mangea douis frèmos.
Quauquèis traites manèous aneroun dire au Lien
Que lou Cèrf aviet ri. Lèis boujacans voulien
Far perir lou pauret. Subran lou Rèy li mando,
Lou fa venir, ligat, et catecan coumando
Eis Chins de l'estrassar, pèr castigar lou gus
Qu'es esta lou soulet, dèis gèns que soun venguts,
De pas plourar la Rèyno. Alors lou paure diable,
Sachèn qu'en lou flattan rendèz un grand tratable,
Diguet: — Sire, un moument, es plus tèms de plourar;
Eilato, dins lou bouesc, vèni de rescountrar
L'angi doou Paradis dèis Liens; m'a dich: — La Rèino,
Despuis que de sa vido a vis roumpre la chèino,
Es dedins un bèou jas, souletto en un cantoun
Mounte doueis fes pèr jour estrasso un gros mooutoun
Bèn gras, et m'a mandat dessavau pèr vous dire
Qu'auluego de plourar sur soun sort, devèz rire.
—Vanaraz dire au Rèy pèr que si laigne plus;
Car un jour eou sera tambèn un dèis elus.
Subran lèis gèns de Cour crideroun au miracle,
Regarderoun lou Cèrf coumo un sant, un ouracle,
Li douneroun la croux, li feroun de presèns
Et lou Rèy lou noumet grand prevôt de sèis gènts.
Mais, pas plus lèou lou Cèrf pousquet gagnar la gratto,
S'en anet dins lou bouesc; car fau fugir la patto
D'un Rèy coumo lou Lien, qu'un bèou jour, ayèn fam,
Auriet fach de sa carn coumo lèis homes fan.
Lèis grands soun niais, disiet moun rèire:
Flattejaz-lèis, li farez crèire
Que lèis caragoous soun de buous,
Vo bèn que lèis lèbres fan d'uous.
(L'Ane et Le Chien)
Quand viam souffrir nouestre vesin,
Ajudèm-li, Dieou va coumando;
Se si truffam de sa demando
Méritariam qu'un jour nous tratessoun ensin:
Escoutaz ce que fet Brilhant en un Roussin.
Un marchand s'en anavo en viagi,
L'AI ET LOU CHIN