Télécharger au format pdf (2,6 Mo)

Fasien veire un vieilh Araphant,
Bèn tant espes et bèn tant grand
Qu'èro un animau fouesso rare
Ero adrech coumo un singe, agantavo un enfant,
L'assetavo sur sèis oourilhos;
Puis destapavo lèis boutilhos:
Sa troumpo li serviet de man.
Tambèn sabiet liegir; devinavo uno carto,
Et troubavo dedins la charto
L'article de la libèrta
Quand li disien: — Coco, sèrquo la verita!
Tout lou franc dieou de la journado,
Ero uno proucessien: en pagan soun escot
Cadun, pèr quatre soous, vouliet vèire Coco,
Et de longo Zozo fasiet boueno fournado.
(Car se l'aviet tant de fanaus,
Dins lou mounde, que de gournauds,
A miegeo nuech seriet proun jour dins lèis carrieros
Pèr pousque vèire oou soou degatinar doueis nieros.)
Doou trauc d'uno plancho un Ratoun
Intret dins la barraquo et mountet sur lou thiâtre
Et, bèn que fousse tant nistoun
Qu'un darboun n'aouriet bèn fach quatre,
Si fachavo en vesèn lou pople s'espantar
Davant uno vieilho bestiasso
Tant mau bastido et tant mouliasso,
— Coumo se la coumou, disiet, si deou coumptar!
Quand voulez saupre soun merite,
si prènd jamais lèis gèns au pes;
Quand sias pichoun courrès plus vite
Qu'aquelis boousaruis tant pesans, tant espes.
Messies, vouestro Araphant es rèn qu'uno ganacho,
Es troou vieilh, n'a plus ges de sèns,
Aro es lou tèms dèis jouinèis gèns.
Siaz mauheroux s'aquo vous facho,
Mais mi crèsi mai qu'eou„ vous va disi tout clar;
Lou gros Coco n'ès rèn qu'une couello de lard,
Et sias touis de badauds de pagar pèr lou vèire...
Anavo mai parlar pèr li va faire encrèire,
Car un fanfaroun es testard;
Mais dins aqueou l'animau de l'Asio
Souto soun large pèd lou boutet en pooutio,
Et proubet qu'un Ratoun,bèn que siegue arrougant,
Es fouesso mens qu'un Araphant.
(Les Obsèques de la Lionne )
L'ENTARRAMENT DE LA LIENNO
La femèllo doou Lien, un jour, siguet malauto.
De remédis, de souins, segur n'aviet pas fauto,
Car la mouilhé d'un Rèy.... Caspi!... Cadun courret;
Mais tout sèrvet de rén, et la Lienno mouret,
En despiech d'Hippoucrato et de touto sa bando...
(Nous fa bèn vèire, èiçot, que quand la mouart coumando,
Que siguèm pastre, Rèy, richas vo bèn mandian,