Télécharger au format pdf (2,6 Mo)

Lou Carretier que lèis menavo,
Enfetat de sèis brams maudits.
Et vesèn que sèmpre bramavo,
Pèr lou faire taisar, li dis:
— Nous as pas proun roumpu la tèsto?
O crèidaire! vas à la fèsto,
Encaro, adounc, sies pas countènt
Qu'as, la rabi vo mau de dent
Regardo tèis dous cambarados:
Soun plus resounables que tu
Souinoun pas fan pas teis bramados;
Isto en uno, vilèn testu!
— Avèz resoun, vous fa bèou dire,
Fet lou Pouarc, bessai durrieou rire...
Mèis dous coumpagnouns disoun rèn,
Pèr que vous counèissoun pas bèn.
Es verai,nous menas en fiero,
Mais nous la farez pagar chiero;
Anam pas vèire lèis sauturs,
Zozo, ni lèis escamouturs.
Doou carretoun v'en tendriam quitte,
N'es que pèr fin qu'anèm plus vite:
Vèrs Mempènti lou pople chin,
Pèr si far tuar, vouyageo ensin.
Vouestro raço es bèn tant marrido
Qu'es coumo uno plancho pourrido;
Quu si li fiso a ges de sèns:
Siaz la pèsto dèis innoucèns.
Lou Mooutoun, l'anaz aumens toundre,
Et mouze la Cabro, bessai:
(Dieou vougue que li fèz pas mai)
Mais yeou, paure, pouedi m'escoundre;
Car, pèr mi derrabar lou lard,
Lèis tripos,la carn, la ventresquo,
Mi saunarez, moun sort es clar:
Ha! ma pauro vido es pas fresquo!
Lou mesquin aviet bèn resoun!...
Mais, quand lou malhur nous secuto
Quand nous arrapo, quand nous buto
Et nous quicho lou gargassoun,
Vau mies faire la lingo muto;
Car lèis resounamens soun gaire de sesoun!
(Le Rat et L'Éléphant;)
LOU GARRI ET L'ARAPHANT
Dins soun tèms La Fontaino a dich que l'home, en Franço,
Ero tout plen de croyo, ourguilhoux, arrougant;
Vous douni moun bilhet qu'en touto asseguranço,
Poudèm dire que va de longo en aumentan.
Escoutaz ce que vous vau dire;
Vous v'adoubarai de façoun
Que farez bouquetto de rire,
Et qu'atroubarez qu'ai resoun.
A la fiero de Sant-Lazare