Télécharger au format pdf (2,6 Mo)

Tambèn,
Si separoun, un jour; car, pèr faire une courso
Dins un pays pas luench d'aqui,
N'a v'un que quitto soun ami.
(D'amitie coumo aquo n'a gaire!
Bèn que l'ague proun chivaliers
Que, se li parlaviaz d'èstre socis, pecaire!
Vous respoudrien: — Bèn voulentiers.
Subretout s'avias fouesso arbies.)
Arribat dedins lou villagi,
Lou viajour
Li rèsto un jour;
Coumptavo l'endeman si mai remettre en viagi
Per anar troubar soun coumpan.
Au pourtau, dins la nuech s`entènde un gros tapagi,
Cridar, rasclar, piquar, patapin-patapan.
Van vèire quues, et venoun dire
A l'estrangier tout endourmit
Que soun ami
Lou voou vèire subran et qu'a pas l'èr de rire.
Aquestou sauto de soun liech,
Attrobo l'autre à l'escalier
Et Li dis: — Qu'as besoun? moun argènt et ma vido,
Ami, soun tieous, va sabes bèn;
Se t'es arriba quauquarèn,
Digo-va, siam èici. — Noun, noun, l'autre li crido,
Hier au sero, en dourmèn, dins un soungi esfrayoux,
T'ai rava qu'ères mauheroux
Et que fasies pietouso mino;
Adounc catacan ai parti
Pèr courre à toun secours vo prèndre toun parti:
Aluquo, ai pres ma bourso eme ma carabino.
Lèitour, quint'es dèis doux que cherissiet lou mies?
Bèn difficilament, bessai, mi va diries!
O tant douço amitie, bèou soulas de la vido,
Tu que fas espelir dins nouestro amo ravido
Un chalou sènso peno, un tèndre sentiment!
Digo-mi pèr que v'hui ti vian tant rarament?
Devini ta responso à ma tristo demando:
L'ooupinien, l'interes, v'a qui ce que t'enmando!
(Le Cochon, La Chèvre et Le Mouton)
Un Pouarc, uno Cabro, un Mooutoun,
Anavoun, un jour, à la fiero,
Bèn ligas subre un carretoun.
La Cabro èro countènto et fiero,
Lou Mooutoun jouissiet, tambèn,
Pèr ce qu'en carrosse èroun bèn.
Mais lou Pouarc, tout lou tèms doou viagi,
Charpinavo de tout soun couar;
Fasiet bragetto,grand tapagi,
Basto, renavo coumo un pouarc.
LOU POUARC, LA CABRO ET MOOUTOUN