Télécharger au format pdf (2,6 Mo)

Que badavo au soulèou. Souto aquesto taulisso
(Car Ratoun estounat la preniet pèr aquo)
Guèiro un pèi daricat, blanc, espoumpit.
— Fricot! Fricot! v'avieou bèn dich, crido en sautant de joyo;
Eiçoto voudra mies que la quouet d'uno anchoyo.
Moun paire es un darud, ma maire sau pas rèn;
Vèz, lèis viagis, v'aqui ce que formo uno gènt!
En resounan ensin, pèr arrambar la poupo,
S'approcho en si lippan, si quilho sur sa groupo,
Si riege doou davant, s'estiro, mouarde... ô fouel!..
La coouquilho si sarro et li quicho lou couel.
Puis dins aqueou moument vèn uno grosso oundado
Que reprènd la cloouvisso ounte l'aviet quittado,
La tirasso à la mar, et l'arrougant Ratoun
S'en anet viagear dins lèis tripos d'un thoun.
Ensin, vhui, la jouinesso, à peno es desmamado
Que voou faire la lèi vo coumandar l';armado;
Pas plus lèou l'an douna pèr sieis liards d'estructien
Que si crèsoun tailhas pèr la deputatien.
Mespresoun sèis parèns, van dins la Capitalo
Et fan lèis farlouquets. Mais quand vèn la fringalo,
Quand l'a ges de trabailh, quand l'argènt disparèi,
Un si mette à raubar, l'autre voou tuar lou Rèi;
Quau mouere doou carboun, quau si jito à la Sèno,
Si brulo la cervèllo ou fa quauquo autro scèno...
Puis lèis viaz à la morgo ou bèn à l'hespitau...
O bando de fenians, istas dins vouestre houstau,
Ajudaz èis parèns, nourrissèz la familho,
Vendèz de pèous de lèbre ou de sacs de sarrio,
Se fau, pèr secourir lou paire embabouinat,
Qu'en vous fasèn moussu, bessai, s'es arrouinat.
(L' Ours et L'Amateur des Jardins)
Quand prendrez un ami, sèrquaz-lou bèn senat,
Et noun fouel vo darud, coumo d'unis que n'a.
L'OURS ET LOU JARDINIER
Certèn Ours, dins un tèms, bèn que siguesse un Ours,
Las de vieoure soulet dins un roucas sauvagi,
Roudejavo toutis lèis jours
Pèr troubar quauque vesinagi;
Car l'auriet fach venir l'enragi
D'istar de longo ensin. Sabèm proun que cadun
Aimo de rescountrar quauqu'un
Pèr counfisar. La vesinanço
Fa suppourtar la vido et countènto lou couar,
Hormes que s'enliassèm eme aquello trevanço
Que coungrilho lou crime et meno au desespouar.
Sur la couello, de l'autre caire,
Demouravo un vieilh Jardinier
Qu'aviet pèr coumpagno, pecaire,
Que sèis autres, sèis flours, sa fouen et soun fumier:
Aquelis cavos parloun gaire!
Champèiravo un coumpan pèr drailho et pèr camin,