LEI TROUBAIRE MARSIHÉS Obro deis Encian, un Eissame de ...

P. P.
Avié pa tout feni, pecaire!
Un faioou qu'esclato à dabas
Jamai ooucasiouné blessuro;
Pourrié vous fa vira lou nas
Senso vous chanja la figuro.
Mei noum coumençoun per dous P;
Farai pa menti ma famiho.
Es moun reire-grand qu'inventé
La doublo crocho e lou triho.
Aro que parloun d'art nouveou,
N'en a que fan ben la roulado;
De poueint d'orgue, mume dei beou!
E qu'an jamai la vouas chapado.
Pamen, s'aco v'agrado pa,
Vous n'en pregui, leissa-mi rire.
Per vous, mi voueli pa tapa
Lou traou doou... cuou, mi farès dire!
LA FIHO E LOU CHIVAOU
(Revira de Boufflers)
Dins un draioou passo un chivaou
Qu'ero mounta per uno fiho;
Tout en regardant lou chivaou
Jiti moun coou d'uei su la fiho:
Vaqui, que dieou, un beou chivaou,
E tamben uno gento fiho.
Mai faguèri poou aou chivaou,
E soun aploumb manco à la fiho
Que, subran, toumbo daou chivaou,
Prochi de ieou, la paouro fiho.
Cregnent alor que lou chivaou
Mande un coou de ped à la fiho,
Prèni lei brido doou chivaou,
Afusca de tira la fiho
D'entre lei cambo doou chivaou
Per saouva la vido à la fiho.