LEI TROUBAIRE MARSIHÉS Obro deis Encian, un Eissame de ...

J. Rimbaud
Coumo òuficié d'academio,
S'aviéu lou dré, tron de padiéu,
Un reiban rouge dounariéu
E lou sang bouien dins mei veno
Creidariéu fouart: — Vivo Allaveno!
Au Troubaire Rimbaud
Mazarguen de bouono naturo,
Un pau madu, mai, bèn portant,
Li rèsto enca 'n pau de verduro,
Maugra sei souassanto dous an.
Si mesclo pa de politico
Aquit trovi qu'a bèn resoun;
Aimo lei cavo poetico,
E vous n'en fa de gros mouloun.
Despuei longtèmp es un troubaire
A foueço escri dins lei journau:
Lou " Tron de l'èr ", lou " Rabaiaire ",
Emé lei mèstre prouvençau.
Lou vias toujour dins la journado
Que fa tuba de bouon loundrès;
Puei, se fau paga 'no tournado
Noun jamai regardo lou près.
A qu'un garçoun emé doues fiho,
E d'elei saup si faire aima;
Fa lou bouonur de sa famiho.
De tout lou mounde es estima.
Emé Rimbaud, 'cò si devino,
Sian coulègo... Li diéu: viguen,
Quand si toucan lei cinq sardino,
Alor, coumo sies? Mazarguen...
Mei bouons ami, poudès va crèire,
Ce que vous diéu es tròu verai,