LEI TROUBAIRE MARSIHÉS Obro deis Encian, un Eissame de ...

J. -B. Faure.
Peire Maziero.
Vieouras!... mai ingrato e perfido,
Doou sieou e doou pas sieou avido,
Un jour, d'ipoucrito façoun,
Sus tei richesso espetaclouso
Roumo estendra sa man jalouso:
Tant es viei lou dré dei lioun!
RIMO SARTANIÈRO
La Chaminèio doou Rei René
Quand lou bouon René, douço souvenenço,
Grand rei de Naple o comte de Prouvenço,
En temp d'iver à Marsiho venié,
Lun dei beloio e lun dei flatarié;
Aimavo ben la souleiado
Dessu lou quei en dardaiado,
Emé la bravo coumpanié
Dei pouartofai e marinié.
Tamben lou pople, en soun idèio,
A nouma, despuei, Chaminèio
Doou Rei René, lou long doou port
Ensin caoufa per l’astre d'or,
Adoun, un jour qu'emé pa mai de cavo,
Noueste bouon rei si proumenavo
Aquito, brulant un gaveou;
Coumo un moumenet s'arrestavo
Davant d'un quècou que badavo
En fent gingin; aquestou digué leou,
(Tout coumo aoutreifes Diogèno
A-n-Aleissandro), senso geno:
Que? lèvo ti de moun souleou…
E lou bouon rei trouvant ren à redire,
Viré de bord en s'estrassant de rire.