LEI TROUBAIRE MARSIHÉS Obro deis Encian, un Eissame de ...

J.-B. Faure.
Bello floureto,
O ma vieouleto,
Per segoundo ti choousirai,
Mai n'a 'no pu bello e l'aourai.
— Sieou la flour d'inmortalo vido,
Diguè l'amaranto, pichoun,
Prenès-mi, sieou jamai passido.
E Jèsu li respoundè: — Noun.
L'eoure que mouere ountè s'estaco
Venguè mè la flour doou printemp;
Mai l'enfant n'ero pa countent;
En toùti trouvavo de taco.
Faguè riseto aou miousoutis,
La gento flour de souvenenço;
Mai dret que soun uei aguè vist
L'ièli, la flour de l'inoucenço,
Avant d'aousi soun paraoulis,
Jèsu li fa: — Siès la pu bello,
Flour vierginello
E blanquinello
De l'enfantoun
As lei poutoun;
Siès ma floureto ben eimado,
De ma maire la preferado.
O beouta que s'espandis
Blanco e puro mereviho
Doou campestre ountè flouris,
Ti farai dins ma Patrio,
La courouno de Mario,
E la flour doou Paradis!...
*