LEI TROUBAIRE MARSIHÉS Obro deis Encian, un Eissame de ...

Piarre lou Testard.
Qu'avès d'artisto au Saloun;
Tambèn lei pintaire de gàbi
Si li coumton à mouloun.
A prefa, bastisson de libre,
Vouesteis escrivaire adrè;
E s'en atrovo de calibre
A faire dormi de drè.
L'a pa de que va mètre en sèno,
Quand degun vòu avé tort?
Buvès l'aigo de vouèsto Sèno,
Dias qu'empèsto noueste port.
Si saup que poussedas la Chambro,
Parlament dei deputa;
Se n'en a de fin comme l'ambro,
Quant n'en foudrié debuta!
A tout ti-n'en trouvarai uno:
Lou Counsèu Municipau
Qu'es mèstre de nouesto Coumuno,
Saup tira l'aufo à prepau.
A Paris, quant si li discuto,
Vouesto lingo a ges de nèr;
A Marsiho, dins lei disputo,
Mandan tout au tron de l'èr.
LOU CURA… E L’UOU
Lou cura de Sant-Jan,
Tout en s'espassejan
Lou long d'uno muraio,
Viguè dins uno draio,
Uno damo que d'escoundoun
Pèr satisfaire un gros besoun
S'èro ajoucado à n-un cantoun.
Pèr amira la créaturo
Dins uno tant bello pousturo
N'en durbié d'uei coumo lou poung.
Elo, s'avisant que lou preire,