LEI TROUBAIRE MARSIHÉS Obro deis Encian, un Eissame de ...

Ben gava nous fan chaque jour
Tout en bramant: grèvo à outranço!
Toujour emé l'asseguranço
Que nouestei grandei coumpanié
Eron touteis à l'agounié,
Lesto à capitula, si rendre;
Qu'aourian qu'à si beissa per prendre
La mano d'or à pleno man
E que plus tard lou lendeman
Serian aou paradis terrestre
Tout aou bouenur, tout aou benestre,
Louja coumo de grand signour
Dins de palai rempli de flour...
E per coumbla nouesto fourtuno
Nous proumetien jusquo la luno.
Toueis aquelei pouliticien,
Boufi de croio e d'embicien,
Toujour en quisto d'uno plaço,
Dins sei discour flaton lei masso
Per s’atira leis eileitour,
Agué lei joio e leis ounour
E puei quand sount ben à soun centre
L'oubrié poou si broussa lou ventre;
A n'eou li fan plus atencien,
L'a que quand ven leis eleicien.
Alor foudrié lei faire courre,
E li pica dessus lou mourre,
Quand venon ti mounta lou coou,
Car à la fin n'en fan puei troou
De proumesso e d'estravaganço,
Parlon de tua, fa resistanço!
Senso fusieou vai ti buta
Contro la forço e resista,
Quand as pas, meme aou coou de: zoubo!
Per ti defèndre un troué d'escoubo...
E vies lusi pertout l'acié
Dei dragoun e dei cueirassié.
Deis ussard emé dei gendarmo,
Lest à ti passa per leis armo.
Per faire uno revoulucien
Faou de canoun, de musicien,
Estre la forço emé lou noumbre,
Se voulès pa que l'oubrié soumbre.
Quand lou coou rato, alor, bèn mies
Lei patroun ti quichoun lou piès!
Aquelei menaire de grèvo