sounet - Université de Provence

Lou proumié cop, Marioun, que te veguère,
Moun estouma se virè d’aut en bas;
E pau à pau à la fin m’anouncière,
Tout en gratant mis auriho e moun nas.
MARIOUN.
Ères crentous alor coume uno caio.
JÓUSÈ.
Mai chasque jour me sarrave de tus;
A toun faudau veniéi freta mi braio...
Digo, Marioun, t’en souvènes pas pus?
MARIOUN.
Un jour di Rèi, manjavian la fougasso
Emé li drole, emé la soucieta.
JÓUSÈ.
Chardèn après uno grosso dindasso;
Pièi pèr soun tour chascun fauguè canta.
MARIOUN.
Quand siguè tus, fasiés pruse l’esquino.
JÓUSÈ.
Cantave miel qu’un gal de basso-court.
MARIOUN.
Vuei, fas pas mai de brut qu’uno bessino...
Bouto, Jóusè, m’en souvendrai toujour!
JÓUSÈ.
Un jour, vouliéi te faire uno brassado.
MARIOUN.