sounet - Université de Provence

A MA FIFINO
SOUNET
T’AURIÉU fa de vers flame-fres:
Quand m’ispires ai pas grand peno;
Mai de que te dire, e ma feno,
Que noun t’ague di milo fes?…
— Que d’ange coume tu n’i’a ges?
— Que siés lou pur sang de mi veno?
— Que pèr tu ma vido s’abeno?
— Que t’ame coume n’ame res?…
Aquéu dous sarmen que nous ligo,
Te l’ai proun fa, ma douço amigo,
Au grand èr o de rescoundoun;
Pamens vole, es jamais de rèsto!
Te lou redire pèr ta fèsto
E te devouri de poutoun!…
1866.