sounet - Université de Provence

LI NOÇO DE MIQUÈU
CANTADISSO NOUVIALO
Pèr enrega de moumen sèmpre bèu:
Fau, tout lou jour, flasqueja dins un caire,
Tuba la pipo e caressa babèu.
A. MICHEL.
ÈR: — Lou Maset de Mèste Roumiéu.
TOUN flasquet, o Mèste Miquèu,
Es lou meiour de l’encountrado;
Nous l’as di, galoi cambarado:
Se n’en fai plus de coume aquéu.
Rajo de vin de touto meno;
Es enmasca, n’en siéu segur:
L’emplissés? esvalis la peno!
L’agoutas? adus lou bonur!
Toun flasquet, o Mèste Miquèu,
Es lou meiour de l’encountrado;
Nous l’as di, galoi cambarado:
Se n’en fai plus de coume aquéu.