sounet - Université de Provence

TRADUCIOUN
SOUNET
CONTRO nautre l’ivèr orre se descadeno;
La guerro esbrando l’èr de soun crid que fai pòu,
E la nèu, que lou Cèu coume de plour sameno,
Tapo li mort de soun linçòu.
De moustre, que lou Nord raquè pèr nosto peno
En vincèire abourri proufanon noste sòu;
Mai s’un bèu jour sus tu lou dous printèms aleno,
Terro, s’esvalira toun dòu!
O maire sagatado, o ma Franço escarido,
Aubouro, coume au tèms de toun èro flourido,
Toun front saunous dins li belu:
Es que Diéu a pas mes au founs de nòstis amo,
Dis antìqui vertu reviscoulant la flamo,
L’Esperanço... qu’es lou salut?
1870.