sounet - Université de Provence

Rèn noun me carcagno
Di peno e di lagno
D’antan.
Li las dóu cassaire
M’an pas maucoura;
De la margarido
L’estello es flourido
Au prat.
A trouva sa maire
la chato à pèu blound…
N’ai vist que caresso,
Ris, chale alegresso,
Poutoun.
Sabes coume t’ame:
Souto toun cèu blu
Se sèmpre revène,
Es que tu me souvène
De tu.
Noste negre eissame
Alin s’avanis;
Mai iéu te demore
Pèr t’óufri, ma sorre,
Moun nis.
Ounte as mes la bourro
E lou fin coutoun
Que pèr ma couvado
Ta man, chasco annado,
Rejoun?
Veguen, jusquo quouro
Jougaras avau
A la rescoundudo?
Se fas mai la mudo,
M’envau!…
E la fenestreto
Plan-plan se durbis;