sounet - Université de Provence

Que, pèr saupre soun age au just, aurias proun peno.
— La coulour de soun péu? blanc? blound? castagno? brun?
— Sa coulour? eh! mardiéu! segur dèu èstre verdo,
D’abord que signo tout Un Fraire de la...
1868
FLOUR D’AZUR
ROUMANSO
A Madamo Ellen BONAPARTE-WYSE
POULIDO flour d’azur,
Se ma man t’a culido,
Tout-bèu-just espelido,
Dins lou bouscas escur,
Es que vole, o bonur!
Que toun perfum m’embaime!
Se sabiés perqué t’aime,
Poulido flour d’azur!
Que t’aime! que t’aime!
Poulido flour d’azur!...
Dins ta siavo bèuta
Siés tant fino, o floureto,
Qu’en alenant l’aureto
A pòu de te frusta:
Quand boufo vivo e lèsto,
Pèr te bressa s’arrèsto,
Te caresso e s’envai
Douço mai que jamai.
Poulido flour d’azur,
Se ma man t’a culido,