sounet - Université de Provence

Es d’un som
Court e bon
Que nous vèn la feno,
Gau de touto meno:
Brave Enri,
Moun ami,
Pèr te metre en veno,
Vai dourmi.
Au bon Diéu rèn noun costo;
Car, plan-plan
D’Adam s’avançant,
Ié derrabo uno costo
Dóu mitan di flanc;
Pièi, subran la boufant,
N’en tiro sèns peno
Un galant tros de feno
Que reviho Adam.
Ai! ai! ai!
Ai! ai! ai!
Es d’un som
Court e bon
Que nous vèn la feno,
Gau de touto meno:
Brave Enri,
Moun ami,
Pèr te metre en veno,
Vai dourmi.
Quand lou bonur es double,
Es mai dous;
Tambèn, pensas-vous
Se noste poulit couble
S’atrouvavo urous.
Amourous