Strofe 3 La seguente de la tre spiritos Veliante a media de un ronca enorme forte, e sentante se en se leto per colie se pensas, Scrooge ave no posible de es informada ce la campana es denova a la punto de sona la ora Un. El senti ce el ia es revenida a consensia a esata la bon momento per la intende spesial de fa un conversa con la mesajor du cual es enviada a el <strong>par</strong> la interveni de Jacob Marley. Ma, trovante ce el deveni noncomfortos fria cuando el comensa demanda se cual de se cortinas estas fantasma nova va retira, el tira cada de los a lado <strong>par</strong> se manos propre; e, denova reposante, el manteni un vijila atendos sirca la leto en tota dirijes, car el desira defia la fantasma a la momento cuando el a<strong>par</strong>e, e el no desira ce la fantasma surprende el e fa el deveni nervos. Seniores de un spesie nonformal e laxe, ci es multe orgulos de conose un bon cuantia de modos de ata, e ci es noncomun pre<strong>par</strong>ada per fronti la acasos de la dia, espresa la estende larga de se capasia per aventura <strong>par</strong> comenta ce los es capas de tota cosas entre asasinas e juas de "fas o retro"; e entre acel estremas oposante, ave sin duta un estende de temas tolerable larga e completa. Sin osa dise ce Scrooge es tan dur como esta, me no oposa demanda ce tu crede ce el es pre<strong>par</strong>ada per un campo bon vasta de a<strong>par</strong>es strana, e ce no cosa entre un bebe e un rinosero ta stona el vera multe. Ma, car el es pre<strong>par</strong>ada per cuasi cualce cosa, el es a no grado pre<strong>par</strong>ada per no cosa; e donce, cuando la campana sona la ora Un e no forma a<strong>par</strong>e, el es saisida <strong>par</strong> un ataca violente de tremas. Sinco minutos, des minutos, un cuatri de un ora pasa, ma no cosa veni. Tra tota esta tempo el reclina sur se leto, vera a la cor e sentro de un arde de lus sanguin roja, cual ia comensa flue sur el cuando la orolojo ia anunsia la ora, e cual – car el es no plu ce lus – es plu alarmante ce un desduple de fantasmas, car el no es capas de descovre se sinifia o intende; e, a veses, el es ansios ce cisa el deveni a esata acel momento un caso interesante de combusta spontan, sin la consola de es consensa de esta. An tal, final, el comensa pensa – como tu o me ta pensa prima; car la person ci no es en un situa difisil es sempre la person ci sabe la bon modo de ata en acel situa, e ta ata ance tal, sin duta – final, me dise, el comensa pensa ce cisa la fonte e secreta de esta lus fantasmin es en la sala visina, de cual, cuando el segue el plu, el <strong>par</strong>e brilia. Cuando esta idea ocupa plen se mente, el leva se en un modo cuieta, e pasea en se pantoflas, tirante se pedes, asta la porte. Direta cuando la mano de Scrooge es sur la securador, un vose strana clama el <strong>par</strong> se nom, e comanda el entra. El obedi. La sala es se propre. Ave no duta de esta. Ma el ia esperia un cambia surprendente. La mures e sofito es covreda <strong>par</strong> tan multe pendentes de verde vivente ce el aspeta esata como un bosce, con bacas briliante cual sintili a cada <strong>par</strong>te de el. La folias frajil de ilex, viscio e edera refleta la lus como si on ia sperde ala un cuantia simil de mirores peti; e un incandese plu forte asende rujinte en la ximineria, plu ce acel strutur de petra sombre ia conose a cualce tempo en la eda de Scrooge, o en acel de Marley, o en multe multe saisones invernal pasada. Pilada sur la solo, per formi un spesie de trono, ave pavos, gansos, avias savaje, avias domada, ceso de testa, pesos grande de carne, porcetas a mamela, garlandas longa de salsixes, tartetas de fruta secida, deseres festos, bariles de ostras, castanias roja calda, pomas con jenas serisin, oranias jusos, peras dulse, tortas enorme de la sera de Res, e boles de ponxe bolinte cual nebli la camera con se vapor deletos. En un state reposante sur esta sofa, ave sentante un jigante felis, glorios per vide, ci porta un torxa briliante, de cual se forma es simil a la corno de Abunda, e ci leva esta a alta afin el lansa se lus sur Scrooge, cuando el a<strong>par</strong>e cauta a la porta. "Entra!" – la fantasma esclama – "Entra, e conose me en un modo plu bon, umana!" Scrooge entra timida, e basi se testa ante esta spirito. El no es la Scrooge ostinos de la pasada; e, an si la oios de la spirito es clar e amable, el no vole encontra los. "Me es la Fantasma de Natal Presente." – la spirito dise – "Regarda me!" Scrooge obedi respetos. La spirito es vestida en un roba, o jaca, simple e verde, con pelo blanca a se bordas. Esta veste pende tan laxe sur la figur ce se peto larga es nuda, como si el despeta es protejeda o ascondeda <strong>par</strong> cualce artifisia. Se pedes, oservable su la multe plias de la veste, es ance nuda; e sur se testa el porta no covrente plu ce un garlanda de ilex, decorada asi a ala <strong>par</strong> spinas de jelo briliante. Se risas oscur brun es longa e libre; libre como se fas amin, se 24
oio sintilinte, se mano abrida, se vose felis, se condui nonconstrinjeda, e se umor joios. Ensircante se media, ave un portaspada antica; ma el conteni no spada, e la gaina antica es consumada <strong>par</strong> osidi. "Tu ia vide nunca a ante un simil a me!" – la spirito esclama. "Nunca." – Scrooge responde a el. 25