apoio social e hipertension arterial esencial - Universidade de Vigo

A. - INTRODUCCION
1.- APOIO FAMILIAR E SAUDE
Todos os seres vivos teñen tendencia a agruparse,
a establecer vínculos,a vivir uns cos outros,
a retornar ós estados primarios, a seguir adiante mentres poidan.
Así funciona o mundo.
9
“As vidas dunha célula”
Lewis Thomas 1
No diagnóstico e manexo dos problemas de saúde é necesario considerar non só a
natureza e evolución dos síntomas, senón tamén a información relativa ó paciente como persoa
coas dimensións bioloxica, psicolóxica e social, e tendo en conta o ambiente sociocultural que
o rodea. Sen embargo, na atención sociosanitaria actual predomina unha orientación dirixida ós
aspectos clínicos e de diagnóstico que permiten clasifica-la entidade nosolóxica e tratala nun
marco exclusivamente biomédico. Limitarse ós aspectos biolóxicos conduce a obviar factores
importantes que inflúen na etioloxía, na historia natural da enfermidade e na efectividade dos
tratamentos.
A orientación biomédica non garante, pois unha atención á saúde apropiada. A
enfermidade non é o resultado automático dunhas determinadas alteracións anatómicas ou
bioquímicas, senón que a súa presentación está tamén influída polo significado individual das
percepcións dos síntomas e polas mensaxes que o paciente recibe do seu entorno social 2 .
A hipótese de que as relacións familiares interveñen na xeración e mantemento dos
síntomas foi a base de partida para o desenvolvemento, dentro do campo da saúde mental, da
terapia familiar. Só recentemente, médicos e investigadores da saúde en xeral comenzan a prestar