apoio social e hipertension arterial esencial - Universidade de Vigo

Non atopamos relación entre a evolución da tensión arterial e o sexo, nin entre as
variables sociais: nivel cultural, clase social e nivel socioeconómico (anexo 5).
Na mostra analizada, as variables clínicas - grao de hipertensión e severidade da mesma,
tipo de tratamento, risco cardiovascular, hábito tabáquico, inxesta de alcohol, a presencia de
diabete ou dislipemia - non están asociados coa tensión arterial diferencial (anexo 6). Tampouco
atopamos relación significativa entre a presión arterial diferencial e as variables de adherencia
(anexo 7).
Durante o tempo en que durou o estudio, rexistráronse os acontecementos vitais
estresantes (AVE) que lle aconteceron ós pacientes. Utilizando unha comparación de medias,
atopamos unha relación entre a presencia de altos AVE (por encima de 150 L. C. U. ) e maior
gradiente de tensión arterial sistólica. A tendencia é a mesma para a tensión arterial diastólica,
pero non chega a acadar significación estatística. Como se pode ver na táboa 25, os individuos
hipertensos que sufriron elevados AVE durante o seguimento teñen un gradiente de presión
arterial sistólica 10.91 mmHg maior có dos pacientes hipertensos con AVE de menor intensidade.
TÁBOA 25: RELACION AVE / TENSION ARTERIAL DIFERENCIAL
SISTOLICA Media grupal Diferencia de
medias
p IC (95%)
AVE alto impacto 12.58 mm Hg 10.91 mm Hg 0.04 (21.401;0.438)
AVE baixo impacto 1.66 mm Hg
DIASTOLICA
AVE alto impacto 4.11 mmHg 4.77 mmHg 0.10 (10.519; - 0.971)
AVE baixo impacto - 0.65 mmHg
TA: Tensión arterial AVE: Acontecementos Vitais Estresantes
79