apoio social e hipertension arterial esencial - Universidade de Vigo

Cada paciente está representado dentro da carpeta por un número de follas identificadas
con etiquetas para evitar extravíos ou confusións. En cada folla figuran as variables para rexistrar
xunto coa súa definición. Na historia clínica de cada paciente incluído no estudio, colocouse un
autoadhesivo co fin de alertar ó investigador da inclusión dese paciente no estudio. Con todas
estas estratexias perseguiuse facilitar e uniformar a recolleita de datos.
5.2. ANÁLISE ESTADISTICA E EPIDEMIOLÓXICA
As variables recollidas fóronse vertendo progresivamente por dous investigadores nunha
base de datos do programa DBASE IV en formato pantalla para facilitar a súa introducción.
Incluíronse rangos de seguridade para cada variable.
Para o tratamento estatístico descritivo da mostra utilizáronse medidas de tendencia
central (media e mediana) e dispersión (desviación estándar, DE), estimación de medias e
proporcións cos seus intervalos de confianza (IC) o 95%.
Para a comparación de variables cualitativas dicotómicas empregaronse as probas de Chi-
cadrado ou o test exacto de Fischer. A proba da T de Student ou a proba non paramétrica de
Mann-Whitney utilizarónse no caso dunha variable cuantitativa e a outra cualitativa. Para
determinar a posible variabilidade do Apoio Social ó longo do seguimento empregáronse probas
de análise da varianza para medidas repetidas (MANOVA). Utilizouse a análise de regresión liñal
múltiple para o estudio da evolución da tensión arterial e a frecuencia cardíaca ó longo do
seguimento. Para a variable categórica risco cardiovascular empregouse a regresión loxística. A
metodoloxía empregada para a construcción dos modelos de regresión foi a seguinte:
• Cálculo dos OR crus das posibles variables confusoras segundo a bibliografía e a
plausibilidade biolóxica.
• As variables control, seleccionadas segundo os OR, vanse introducindo unha a unha
no modelo xunto coa variable exposición, para obxectivar se producen confusión
respecto da súa relación coa variable dependente.
59