apoio social e hipertension arterial esencial - Universidade de Vigo

4.- DEFINICION DAS VARIABLES
4.1. VARIABLES CLINICAS
4.1.1. Idade: anos do paciente no momento de ser incluído no estudio.
4.1.2. Sexo: Home/muller.
4.1.3. Presión arterial: A toma da tensión arterial (TA) realízase no centro de saúde segundo
as normas de consenso da hipertensión arterial en España 65 : paciente relaxado sen ter
previamente comido nin fumado, e tras 5 minutos de reposo. Tómase a TA en sedentación ou
decúbito supino no brazo que presente habitualmente cifras máis elevadas, sen compresión da
vestimenta, co antebrazo apoiado de maneira que o manguito se sitúe á altura do 4º espacio
intercostal e a 2.5 cm da flexura cubital. Emprégase un manguito de 14 cm en persoas adultas
normais e de 17 cm en obesos.
Para evitar o sesgo interobservador, todas as cifras de TA realizanse co aparello
automático de medición OMRON HEM 705 CP, que segue o método oscilométrico e cumple a
normativa das recomendacións da Sociedade Británica de Hipertensión (BHS) e da Association
Medical Instrumentation (AAMI) para estes dispositivos 69 70 ; e respecto do cal está confirmada
a súa utilidade no contexto da atención primaria de saúde en España 71 72 73 .
Todos os aparellos utilizados foron previamente calibrados pola empresa proveedora e
son material inventariable do centro de saúde e dispoñible para a súa utilización antes do deseño
deste traballo. A toma de TA é realizada por persoal de enfermería adestrado, e que habituálmente
atende ó paciente. O dispositivo automático de toma de TA imprime, tras cuantificar a presión
arterial, a data, as cifras de TA e a frecuencia cardíaca. Estes datos en soporte papel adhírense
á folla de recolleita de datos de cada paciente.
45