apoio social e hipertension arterial esencial - Universidade de Vigo

Na elevación da presión arterial téñense identificado varios determinantes, dentro desta
multicausalidade ningún factor se ten postulado como primario. Así vemos factores xenéticos,
inxesta de micronutrientes, patrón de actividade física, obesidade, variables sociais e
psicofisiolóxicas. O obxectivo deste traballo de investigación é afondar nestes últimos factores.
A maior parte dos estudios que intentan relacionar o apoio social e a patoloxía
cardiovascular están realizados en Estados Unidos. Estes estudios son de tres tipos: de base
poboacional que avalian a correlación coa toma de tensión arterial ocasional como criterio
epidemiolóxico, estudios de apoio social en pacientes con cardiopatía coronaria establecida,
sendo pola contra escasos os estudios realizados sobre pacientes diagnosticados de hipertensión
arterial esencial, non encontrando ningún estudio feito en España.
No manexo da hipertensión arterial esencial existen actualmente dous aspectos
controvertidos e de grande impacto pola súa magnitude e implicacións prácticas como son: a
variabilidade das cifras de tensión arterial e o cumprimento terapéutico. Existen indicios de que
certas variables sociais e familiares, así como os eventos estresantes que poidan vivir os pacientes
hipertensos teñan algunha inflúencia nestes dous factores.
E importante extender os estudios a diferentes poboacións para delimitar claramente a
inflúencia do apoio social nos procesos cardiovasculares.
39