apoio social e hipertension arterial esencial - Universidade de Vigo

B. - PLANTEXAMENTO DO PROBLEMA
E OBXECTIVOS DO ESTUDIO
A idea deste traballo nace da práctica clínica, coa perspectiva do Médico de Familia,
desde a consulta diaria nun centro de Atención Primaria. Desde a óptica asistencial é doado
constatar a grande inflúencia que o ambiente social e familiar que rodea ó paciente ten na súa
saúde. Na maioría dos tratados clásicos de Medicina, ó estudiar o proceso do enfermar sempre
se abordan, ó final dos capítulos e con menor extensión que outros apartados, os determinantes
ambientais, tanto familiares como sociais, do proceso morboso
38
60 61 62 63
Non obstante,paulatinamente, foi medrando o interese dos investigadores por estes
aspectos, de tal xeito, que dentro das prioridades en investigación que recomenda a OMS -
Europa 64 , nos apartados 33-38, se especifica o interese que ten afondar en estudios sobre a
inflúencia da familia e das redes sociais na saúde.
Os primeiros estudios que aparecen sobre o tema na bibliografía teñen o
incoveniente da súa difícil comparabilidade, pois os instrumentos de medida do apoio social non
estaban estandarizados. Afortunadamente, hoxe contamos con instrumentos correctamente
validados e de sinxela aplicabilidade práctica en Atención Primaria de Saúde.
A patoloxía crónica, é actualmente, un dos problemas máis importantes e prevalentes
desde o punto de vista da saúde pública. Dentro desta, a hipertensión arterial é un proceso que
afecta a un 20% da poboación adulta 65 . En concreto na area de Ourense estímase que a
prevalencia é aínda maior, dun 35.15% 66 . Constitúe o principal problema de saúde priorizado
dentro das actividades do centro de Atención Primaria de Mariñamansa - A Cuña 67 .