apoio social e hipertension arterial esencial - Universidade de Vigo

4.- ¿ PARA QUE LLE SERVE O CLINICO COÑECER AS
CARACTERISTICAS FAMILIARES E O APOIO SOCIAL DOS SEUS
PACIENTES?
O coñecemento da dinámica do soporte social pode aportar ó clínico un interese
preventivo ou un interese intervencionista:
• Interese preventivo: na educación temperá dos nenos e para adestrar ós adultos na
aprendizaxe de comportamentos que capaciten a persoa para mobilizar os recursos
necesarios para manter a súa saúde. Así como recibir axuda ante os acontecementos vitais
estresantes propios da circunstancia de vivir.
• Intervencionista: os médicos e outros axentes da saúde deben estar capacitados para
identificar individuos e familias de alto risco e para avaliar a natureza e a deficiencia das
redes sociais de cara a prestar coidados anticipatorios; e tamén, para asistir e ensinar as
persoas afectadas a manexar e seu ambiente para adquirir e manter a apoio social necesario
para a supervivencia. A intervención podería incluír a mobilización do sistema de apoio
informal do paciente (familia, amigos, veciños) e mesmo os propios clínicos. A calidade do
apoio pódese implementar incluíndo ós pacientes en grupos de autoaxuda.
Dentro do propio problema da hipertensión arterial, ó detectar unha relación entre as
variables estudiadas e o control das cifras tensionais, terá sentido identificar os pacientes
hipertensos deficitarios dalgunha variable sociofamiliar para mellorar os seus recursos sociais e
o seu grao de función familiar, co fin último de mellorar o control da vasculopatía hipertensiva
xa sexa directamente sobre a presión arterial , xa sobre a adherencia ós tratamentos.
35