apoio social e hipertension arterial esencial - Universidade de Vigo

Polo contrario, outros estudios observan que a agresividade expresada (non reprimida)
relaciónase con cifras elevadas de presión arterial fundamentalmente en individuos de menos de
40 anos. Isto entroncaría co patrón de persoalidade tipo A, caracterizado por unha crónica e
excesiva premura de tempo, exceso de agresividade, competitividade marcada e traballo moi
absorvente que é recoñecido como factor de risco cardiovascular e relacionado con cifras máis
altas de presión arterial.
Todo isto suxire que tanto a agresividade reprimida (anger-in) como a expresada (anger-
out) aumentan a reactividade psicofisiolóxica provocando incrementos na presión arterial
dependendo da raza, idade, tipo de personalidade e mecanismo da xénese da ira 53, 54 .
3.4. Adherencia ós tratamentos.
Hoxendía está ben establecido que o tratamento da hipertensión arterial conleva
importantes beneficios no que respecta á reducción da morbimortalidade cardiovascular. A pesar
dos numerosos recursos terapéuticos de que dispoñemos na actualidade, da súa eficacia e
tolerabilidade, e sabendo que o control dos pacientes hipertensos ten ido mellorando nos últimos
anos ata situarse nun 30%, estase lonxe aínda de acadar un índice aceptable.
Segundo o Sexto Informe do Joint National Committe on Prevention, Detection,
Evaluation and Treatment of Hight Blood Pressure (JNC) a primeira causa de control inadecuado
da hipertensión arterial é o incumprimento terapéutico a longo prazo, tanto no que se refire ás
modificacións do estilo de vida como na toma de medicamentos 55 . Estímase que a magnitude do
incumprimento terapéutico de longa duración é dun 50% e pode ser este o problema máis
significativo ó que se enfrenta o profesional sanitario na práctica clínica.
32