apoio social e hipertension arterial esencial - Universidade de Vigo

apoio empírico nos traballos publicados sobre poboacións, fundamentalmente negra, do Caribe,
Brasil, México, Sur de Estados Unidos e Africa 48, 49 .
3.3.2/ d: Teoría de John Henryism
Esta hipótese ten sido explorada por Sherman James e os seus colaboradores da
Universidade de Carolina do Norte, está baseada en parte no estudio sobre a presión arterial
nunha comunidade negra do sur de Estados Unidos 50, 51 . Ten os seus alicerces en John Henry,
o mítico home de aceiro, que toma ó traballo como contestación a discriminación social que
sofre. Este home resístese a crer que non hai nada que non se poida acadar co propio esforzo e
duro traballo. Pensa que o que un se marca como obxectivo se pode acadar se realmente se
desexa.
Este sistema de crenzas é común na comunidade afroamericana do sur dos Estados
Unidos. Os negros americanos preséntanselle realmente barreiras para mellorar social e
económicamente dentro da sociedade. James sostén que as crenzas de John Henry chocan con
estas dificultades e poden converterse en estresantes e problemáticas, especialmente en individuos
de escasos recursos socioeconómicos.
O efecto desta teoría mídese cun cuestionario que clasifica os individuos en alto e baixo
nivel na escala de John Henryism. Os resultados desta escala combínanse co nivel educativo e
económico axustados por idade, sexo, índice de masa corporal e hábito tabáquico, para obter
finalmente o gradiente John Henryism. Nos individuos de raza branca incluídos nos estudios non
se atopa efecto John Henryism.
A converxencia entre a teoría de clase social e o modelo de John Henryism é fácilmente
vislumbrable. En ambos casos existe un difícil obxectivo que debe ser acadado, por crenzas
persoais no caso do John Henryism e pola presión ambiental na incongruencia do estilo de vida.
A meta de acadar ou manter o estilo de vida da clase media, baseándose no esforzo persoal, vese
dificultada ou imposibilitada por unha estructura económica adversa e desigual. O tributo a este
30