apoio social e hipertension arterial esencial - Universidade de Vigo

3.3.2 / b: Apoio social insuficiente
Esta segunda aproximación teórica está ligada ó concepto de “falta de apoio social”.
Asúmese que a autorregulación individual ante factores externos é peor en individuos que non
presentan un adecuado feed-back socioemocional e están marxinados ou excluídos das actividades
familiares e sociais.
Pola contra, os individuos cun elevado apoio emocional e social estarían máis protexidos
fronte as experiencias estresantes e serían subsidiarios dunha menor inflúencia das elevacións da
tensión arterial mediada polo estrés 47 . Esta teoría estaría sustentada nos datos obtidos nos
traballos de Bufalo 35 , Malmö 36 , Temascalcingo 37 entre outros, onde os achados son
independentes das principais variables confusoras que poderían interferir nos niveis de tensión
arterial.
3.3.2/ c: Incongruencia de clase social
Este concepto reflicte a discordancia entre un elevado estilo de vida e o nivel de ingresos
da persoa. O estilo de vida, entendido como a posesión de bens materiais e ansias de ascenso
social que pode exceder a clase ocupacional do individuo. O suxeito intenta manter ou acadar
un estilo de vida de alto consumo material, sen dispoñer de recursos económicos suficientes para
el. Esta discordancia xeraría un estrés crónico no individuo, que quere proxectar a imaxen de
si mesmo baseada no valor dos bens materiais que compra, pois así entende o éxito dunha
persoa moderna, pero atópase que os seus recursos non son suficientes para manter un estatus
socioeconómico superior o que realmente dispón.
Este modelo desenvolvido por Dressler a partir do ano 1980, observaríase con maior
frecuencia en sociedades que se atopan nunha etapa de transformación económica. A teoría recibe
29