apoio social e hipertension arterial esencial - Universidade de Vigo

Este estrés con relevancia sobre o sistema cardiovascular actúa de xeito distinto que ó
estrés en sentido estricto ( premura de tempo, agresividade, competitividade excesiva ou
situacións semellantes). Cando se interroga a pacientes hipertensos, que obxectivamente viven con
niveis elevados de estrés, frecuentemente non son conscientes ou minimizan a situación de
estrés crónico que os rodea.
Cinco aproximacións teóricas teñen deseñado outros tantos modelos explicativos da
conexión entre os determinantes ambientais estresantes e os niveis de tensión arterial.. A maioría
delas xorden de achados de campo que mostran unha exposición máis frecuente a contextos
estresantes en pacientes hipertensos ca en normotensos.
Son:
3.3.2./ a: estres laboral
Unha das posibles exposicións crónicas a factores estresantes é o denominado estrés
laboral, considerado como a combinación entre a percepción individual e as propias condicións
de traballo, que mesturan alta demanda de esforzo e baixa capacidade de decisión ou control..
Coa monitorización ambulatoria da presión arterial (MAPA) viuse que a maioría da poboación
presenta cifras de tensión máis elevadas durante as horas laborais. O estrés laboral relaciónase
con patoloxía coronaria e elevación da presión arterial en numerosos estudios, tanto transversais
como prospectivos. Esta asociación non é tan evidente en mulleres. En varóns, o estrés laboral
está asociado tamén a un incremento da masa do ventrículo esquerdo. Así mesmo, estudios de
laboratorio corroboran a hipótese da elevación da presión arterial ante diversos factores
estresantes 42, 43, 44 .
Un apoio familiar e laboral adecuados do individuo poden exercer un afecto tampón
fronte ó estrés laboral e os niveis de tensión arterial,segundo estudios sobre poboación activa
realizados con MAPA 45 . O efecto sinérxico entre o estrés laboral e mais un inadecuado apoio
social relaciónase co consumo de alcohol e a elevación da presión arterial 46 .
28