apoio social e hipertension arterial esencial - Universidade de Vigo

3.3. ESTUDIOS DE MORBILIDADE
Está demostra a relación entre apoio social e nivel de saúde dos individuos 28 .
Máis específicamente, esta relación está contrastada en procesos clínicos como a patoloxía
psiquiátrica, índice de suicidios, resultado do embarazo, desenvolvemento infantil, artrose, control
da diabete mellitus, ou recuperación de enfermidades e accidentes.
3.3.1. Ímonos centrar non obstante na súa relación coa patoloxía cardiovascular.
Así a rede social do individuo é un predictor de aparición de cardiopatía isquémica e un forte
predictor de mortalidade en individuos xa diagnosticados de accidente cerebrovascular e isquemia
coronaria 21 22 . Outros autores, sen embargo, encontran unha asociación máis potente entre o
apoio social funcional (apoio emocional ou afectivo) e a enfermidade coronaria que entre esta e
o tamaño da rede social (apoio estructural) 29, 30 . En algúns estudios lonxitudinais asociouse a
percepción de cariño por parte dos pais (apoio emocional ou afectivo) como predictor de
morbilidade na idade adulta de ulcus, alcoholismo e diversa patoloxía cardiovascular como: a
hipertensión arterial, hipertrofia ventricular esquerda e cardiopatía isquémica 31 .
Na táboa 2 reflíctense os estudios que relacionan as inflúencias sociais como factor
prognóstico de eventos coronarios en pacientes con cardiopatía isquémica establecida. A
consistencia e a magnitude destes achados que relacionan os factores sociais e a aparición de
eventos cardiovasculares vese apoiada por diversasa probas: en primeiro lugar, esta relación
verifícase en estudios transculturais sobre poboación de inmigrantes xaponeses e italianos
asentados nos Estados Unidos 32, 33 , estes individuos perden a baixa prevalencia de cardiopatía
isquémica propia dos seus paises de orixe cando desaparecen as características sociais distintivas
da súa comunidade.
23