apoio social e hipertension arterial esencial - Universidade de Vigo

3.- PRINCIPAIS ESTUDIOS QUE RELACIONAN A
ESTRUCTURA E A FUNCION FAMILIAR COA SAUDE.
3.1. ESTUDIOS DE MORTALIDADE
Diversos datos suxiren que modificacións no estado civil como a morte do cónxuxe e
o divorcio están asociados a un elevado nivel de estrés e, en consecuencia, a unha deficiencia da
saúde física 15 . Parkes (1969) 16 , no seu xa clásico estudio prospectivo de 9 anos sobre viúvos
detecta un aumento da mortalidade, debido principalmente a doenzas cardíacas, no primeiro
trimestre trala morte do esposo. Helsing (1981) 17 , confirma tras un seguimento de dez anos
de 4032 casos un aumento da mortalidade en viúvos e viúvas, tras controlar estos resultados
respecto da clase social e o hábito tabáquico só se mantén a significación para viúvos. Kaprio
(1987) 18 , no seu estudio Finlandés que inclúe a 95.647 viúvos e viúvas observa que a taxa de
mortalidade media dóbrase na primeira semana despois da defunción do conxuxe.
Non está demostrada, dada a carencia de estudios prospectivos, da mesma relación entre
divorcio e saúde, aínda que existen traballos que aprecian unha maior taxa de mortalidade e unha
saúde máis feble en separados e divorciados fronte ós solteiros, viúvos e casados (Verbrugge
1977) 14 .
O primeiro estudio que relaciona a mortalidade co grao de contactos sociais que ten un
individuo foi publicado por Berkman e Syme no ano 1979 19 . Está realizada sobre un universo
poboacional de 6928 persoas do condado de Alameda (California) e cun seguimento de nove
anos. Os achados demostran que aqueles individuos que presentan carencia de contactos sociais
e comunitarios teñen máis tendencia a morrer ca aqueloutros con contactos máis extensos. O
risco relativo axustado por idades foi de 2.3 para homes e de 2.8 para as mulleres. Esta asociación
é independente do estado de saúde ó inicio do estudio, do ano de morte, do estatus
socioeconómico e de factores de risco como o tabaquismo, consumo de alcohol, actividade física
e utilización de servicios preventivos.
20