apoio social e hipertension arterial esencial - Universidade de Vigo

seu estudio:
Téñense establecido diversas dimensións do apoio social 11 a medida que se avanzou no
- Compoñente cuantitativo ou estructural que alude ó número de persoas ás que pode
recorrer un individuo. E a chamada rede social, que comprende tódos os contactos
sociais de cada persoa. A rede social presentrá unhas características en canto a tamaño
(número de persoas), frecuencia de contactos, composición, densidade (grao en que
os membros da rede pertencen simultáneamente a outras), parentesco,
homoxeneidade (semellanza ou incongruencia entre os membros da rede) e forza
(grao de intimidade). En función destas características unha rede pode resolver mellor
unhas necesidades ca outras. Tamén se inclúe neste apartado o apoio material ou
instrumental : axuda económica , axuda nas tarefas domésticas, coidados dos nenos,
etc.
- Componente cualitativo ou funcional. Este ten un carácter subxectivo ó inducir no
individuo unha vivencia positiva ou negativa. Así Cobb (1976), concíbea como “a
percepción que leva ó individuo a crer que o coidan, que é amado, estimado e valorado;
e que pertence a unha rede de comunicacións e obrigacións mutuas”. A importancia deste
compoñente inducíu que moitos autores chegasen a afirmar que o apoio social existe
cando induce determinados sentimentos no individuo que o recibe. De feito en estudios
epidemiolóxicos, algúns feitos en Galicia 12 , unha mala autopercepción da saúde tense
relacionado coa mortalidade. E parece ser que existe unha asociación, non totalmente
aclarada, entre o apoio social funcional e a autopercepción da saúde pola persoa 13 .
Desde o punto de vista cualitativo ou funcional o apoio social revélase en tres vertentes:
- apoio emocional ou afectivo, isto é, o que inclúe as demostracións de amor, estima,
empatía; e a disponibilidade de persoas que poidan proporcionar emocións e a
percepción por parte do receptor destas manifestacións de apoio. En definitiva, é
como a persoa se sente amado e admirado.
18