apoio social e hipertension arterial esencial - Universidade de Vigo

Os mecanismos do apoio social actúan sobre o estado de saúde de dous xeitos:
- Por unha banda, un efecto tampón ou modulador das circunstancias adversas que
xeran estrés. O estrés aumenta a susceptibilidade dun amplo abano de enfermidades.
Na capacidade para tratar ó estrés inflúen a predisposición xenética e factores
psicosociais como son o apoio social e a sensación de control sobre as accións e o
propio destino. A ausencia de apoio social, a carencia do sentido de predictibilidade
e a incapacidade de confrontar tensións reflectiríase na predisposición a enfermar. A
confluencia destes factores sería máis probables en familias problemáticas.
- Pola outra, un efecto directo, é dicir, como axente causal da enfermidade.
Ata o momento non se coñece con certeza en que grao contribúe cada mecanismo sobre
a acción global que o apoio social exerce sobre a saúde 10 ; estamos pois ante un concepto
complexo que abrangue diversos compoñentes. Xa no ano 1979 Lin definía o apoio social como
“o apoio accesible a un suxeito a través dos lazos sociais establecidos con outros suxeitos, grupos
ou comunidades”.
Thois (1982) propón defini-lo como o “grao en que as necesidades sociais básicas son
satisfeitas a través de interaccións con outros”. Lin (1986) afirma que “o apoio social consiste no
conxunto de elementos funcionais ou estructurais, reais ou percibidos, que o individuo recibe da
súa comunidade, rede social ou amigos íntimos”. Para Bowling (1991), “o apoio social é un
proceso interactivo, no que o individuo obtén axuda emocional, instrumental ou económica da
rede social na que se atopa inmerso”. Caplan (1976), considera que “se trata dunha unión entre
suxeitos que serve para mellorar a competencia adaptativa para tratar os desafíos, tensións e
privacións a curto prazo”.
17