apoio social e hipertension arterial esencial - Universidade de Vigo

Para valorar a saúde dunha familia deberemos coñecer o funcionamento da mesma, a
función familiar é unha variable que mide se unha familia é normofuncionante ou presenta
unha disfunción. Póderemos seguir como marco para o estudio da función familiar un modelo
cibernético, sistémico ou ecolóxico.
Para elo contamos con diferentes instrumentos como:
- Cuestionarios unidimensionais que miden parámetros específicos de función familiar
como a escala de acontecementos vitais familiares (FILE), a escala de satisfacción
parental (P-Miss) ou o APGAR familiar.
- Índices para avaliar o impacto da enfermidade sobre o sistema familiar como o índice
de función familiar de Pess e Satterwhite (FFI), a escala de reaxuste psicolóxico á
enfermidade (PAIS), o índice de tensión do coidador (CSI), ou a escala funcional de
demencia (DCS).
- Por último, mencionaremos os instrumentos para avaliar as relacións familiares como
a escala de ambiente familiar (CES), a escala de adaptación e cohesión familiar
(FACES) ou o instrumento de avaliación familiar de McMaster (FAD).
Os acontecementos vitais estresantes (A. V. E. ) son aqueles que se perciben
como negativos ou non desexables e van acompañados dun cambio vital. Os AVE producen no
individuo un conxunto de respostas motoras, cognitivas e psicofisiolóxicas nun intento de
adaptarse á situación causada polo factor estresante. A indaptación ós AVE orixina cambios na
saúde, aparición de enfermidades ou agravamento das preexistentes. Na familia, os AVE
desestabilizan o sistema homeostático orixinando unha crise. Cando non existen recursos
suficientes, a crise non é superada e aboca nunha disfunción familiar.
15