apoio social e hipertension arterial esencial - Universidade de Vigo

O seguimento lonxitudinal da evolución da familia denomínase ciclo vital familiar
(C. V. F. ) e constitúe outras das variables que se consideran nos traballos de investigación. A
Organización Mundial da Saúde (OMS ) establece un modelo dividido en etapas que se inicia no
momento en que se xunta a parella, clasificando as etapas en función dos fenómenos de
incremento ou diminución dos compoñentes da familia (fase de extensión polo nacemento dos
fillos; fase de contracción trala emancipación dos fillos ou falecemento do cónxuxe).
FIGURA 1: FASES DO CICLO VITAL FAMILIAR
CICLO VITAL FAMILIAR
(OMS)
Formación Extensión Fin Extensión Contracción Niño Baleiro
O modelo define ben os límites de cada fase, o que facilita a clasificación da familia tanto
desde o punto de vista clínico como demográfico.
Co termo saúde familiar referirémonos ó funcionamento da familia como axente social
primario. A efectos de saúde o bo ou o mal funcionamento da mesma é un factor que inflúe na
conservación da saúde ou na aparición da enfermidade. Unha familia é normofuncionante cando
é capaz de cumprir as funcións propias segundo a etapa do ciclo vital familiar na que se atope, e
segundo as demandas que perciba desde o seu entorno. Sen embargo non existe un modelo
abstracto ou universal de familia “normal”, habería que falar das funcións que unha familia debe
ser capaz de cumprir para posibilitar o desenvolvemento saudable dos seus membros.
14