apoio social e hipertension arterial esencial - Universidade de Vigo

A maior parte dos autores refire que os varóns son peores cumpridores da dieta
hiposódica 56, 59, 141 , dato este non corroborado no noso traballo, onde non atopamos diferencias
por sexos. Isto podería deberse a un problema de tamaño mostral ou a unha menor prevalencia
de homes da nosa serie. Kyngäs e colaboradores 141 encontran unha menor excreción de sodio en
ouriños de 24 horas en pacientes que presentan síntomas referidos á hipertensión. Deberemos
comentar a existencia de diversos estudios onde se demostra un peor cumprimento da dieta nos
hipertensos con tratamento farmacolóxico 56 141 , esto tamén o observamos no noso estudio ó
construi-la análise multivariante. Apúntase como hipótese explicativa deste fenómeno, o
sentimento de seguridade que experimenta o paciente ó usar un fármaco, o que lle suxire a non
necesidade dos cambios no estilo de vida.
3.7.2. Cumprimento do tratamento farmacolóxico
A taxa de mala adherencia ós fármacos antihipertensivos, medida a través da contaxe de
comprimidos, no noso estudio foi dun 11.5%. Esta taxa é similar á encontrada por Márquez e
colaboradores 80 . Coincidimos con outros autores en que os pacientes cumpren mellor cos
fármacos que ca dieta hiposódica. Pensamos que a porcentaxe de mal cumprimento que
constatamos está infraestimada, posiblemente, porque o reconto de comprimidos no consultorio
médico sobrevalora a boa cumprimentación, como se comentou na discusión do método. Estudios
recentes realizados no noso medio con contaxe de comprimidos por sorpresa no domicilio do
paciente presentan unhas taxas de mal cumprimento que oscilan entre o 39%- 48% 77 78 81 .
As porcentaxes de cumprimento que encontramos no noso estudio, medidas por outros
métodos indirectos (coñecemento da enfermidade, cumprimento autoinformado polo paciente e
o xuizo do profesional), veñen a coincidir coas referidas na bibliografía 77, 78, 81, 102, 142 .
Na análise bivariante do cumprimento (medido por contaxe de comprimidos e outros
métodos indirectos) encontramos que o nivel cultural, a presencia de elevados AVE, a tipoloxía
129