apoio social e hipertension arterial esencial - Universidade de Vigo

3.5.5. Apoio social e factores de risco cardiovasculares
Neste traballo á parte da hipertensión arterial, analizamos outros 5 factores de risco
cardiovascular coñecidos, como son a presencia de diabete, dislipemia, obesidade, consumo
elevado de alcohol e tabaquismo.
A porcentaxe de fumadores (16) 7.1% é escasa comparada con outras series de casos en
pacientes hipertensos, onde se describen unhas taxas de fumadores máis elevadas 100 101 . Esta
diferencia podería deberse á maior proporción de mulleres da nosa mostra e a intervención do
programa de deshabituación tabáquica do centro de saúde. Como cabería de esperar existe unha
maior porcentaxe de fumadores entre os homes (75%) ca entre as mulleres.
Respecto do consumo elevado de alcohol (> de 40 g/día) observamos que é máis
prevalente nos homes, nos individuos con familias normofuncionantes e nos que sufriron
acontecementos vitais estresantes de baixa intensidade. Estos resultados pódense explicar
analizando o patrón social do consumo de alcohol e a súa aceptación como droga legalmente
asumida na nosa sociedade.
Débese suliñar que os individuos con situacións de estrés ambiental (disfunción familiar,
AVE de alto impacto) non presentan un consumo de alcohol elevado, isto podería estar mediado
pola maior intervención dos profesionais sobre os hipertensos con AVE de alto impacto, xa que
o presentar maiores cifras de presión arterial, os sanitarios, e mesmo os pacientes serían máis
estrictos cos axentes potencialmente presores, como o alcohol. Polo que no noso caso, o efecto
presor dos AVE sobre a tensión arterial non estaría mediado polo consumo excesivo de alcohol
como se refire nalgunha publicación 46 . Este aspecto coméntase máis extensamente no apartado
do estrés ambiental.
120