apoio social e hipertension arterial esencial - Universidade de Vigo

mediados por neuropéptidos especialmente o opioide beta-endorfina. Estímulos recorrentes como
o afecto, o recoñecemento social e outras formas de apoio social poderían producir euforia, e
efectos directamente positivos sobre á saúde ou tamponar os factores estresantes pola mediación
da beta-endorfina e/ou outros neuropéptidos.
b. - Vía comportamental:
Por esta vía as familias poden influír nos estilos de vida, como por exemplo a dieta, o
tabaquismo, o exercicio físico, a adherencia ós tratamentos médicos e a utilización dos servicios
sanitarios. Estes hábitos de vida poden, a súa vez, afectar a saúde de cada un dos elementos da
familia.
Aínda que ata o momento existe máis investigación acerca do mecanismo psicofisiolóxico,
todo conduce a pensar que o mecanismo comportamental é seguramente o máis relevante e
exerce unha inflúencia máis poderosa na saúde dos individuos cós estados emocionais. Así, os
factores de risco cardiovascular comportamentais, como o tabaquismo ou a dieta, semellan ser
máis importantes cós estados emocionais, estrés ou a persoalidade tipo A, no desenvolvemento
da doenza cardíaca.
Por todo o visto adquire importancia o concepto de saúde social que foi aparecendo nos
últimos anos na literatura académica e aparece valorado en diversos indicadores económicos de
medición do benestar entre distintos paises. Fronte a índices exclusivamente monetaristas como
por exemplo a renda per cápita ou o índice de paro laboral, o concepto de saúde social inclúe
baremos de calidade de vida, indicadores de desigualdade ou o índice de desenvolvemento
humano (IDH) elaborado pola organización de nacións unidas (ONU). Pois ben, os expertos en
saúde social aseguran que a familia funcional (aquela que cumpre ás funcións sociais que dela cabe
esperar) é un dos condicionantes principais do nivel de saúde dun país 8 .
12