apoio social e hipertension arterial esencial - Universidade de Vigo

teno demostrado en estudios sobre poboación penitenciaria onde observa un incremento da
tensión arterial nos individuos que permanecen en celdas múltiples fronte os que están en celdas
individuais. Contrariamente a estes estudios, existen dous traballos 35, 114 onde non se encontra
asociación estatística entre o estado civil e as cifras de presión arterial.
Non encontramos, na revisión bibliográfica da literatura científica, ningún artigo que
tratase a relación do apoio social cas cifras de tensión arterial en individuos previamente
diagnosticados de hipertensión arterial. Si existen, pola contra, diversos traballos que estudia esta
relación en poboación xeral.
No presente estudio o tamaño da rede social (apoio social estructural) encontrámolo
asociado con significación estatística ás cifras de tensión arterial, e observamos que se trata dunha
relación inversa: a maior rede social ( maior número de contactos) menores incrementos da
presión arterial durante o seguimento. Esta asociación concorda con outros estudios de base
poboacional e é independente do nivel de partida das cifras tensionais, como se demostra coa
análise da tensión arterial porcentual (ver táboa 26). A asociación entre a rede social e a tensión
arterial permanece con significación estatística no modelo multivariante tras controlar ás posibles
variables confusoras sexo, idade, severidade da hta, grao da hta, índice de masa corporal, AVE,
estado civil e adherencia ó tratamento (táboas 27, 28).
O primeiro autor que estableceu unha asociación entre o apoio social e as cifras tensionais
foi Dressler, no ano 1983, cando pulica os resultados dun estudio sobre 100 individuos dunha
comunidade india de Santa Lucía. Este autor, do que partiu a teoría da incongruencia de clase
social como factor ambiental da hipertensión arterial, encontra que un baixo apoio estructural
(baixa conexión social, escaso número de membros na comunidade, número de membros en
asociacións de voluntarios) correlaciónase cun incremento da tensión arterial tanto sistólica como
diastólica 115 . Posteriormente, e co fin de avaliar a súa teoría, sobre a incongruencia de clase
social e a hipertensión arterial, Dressler presenta distintos estudios en diferentes comunidades;
así, sobre poboación brasileña, encontra que un índice psicosocial escaso (número de familias
extensas máis o apoio social percibido) está asociado a un aumento da tensión arterial en negros
112