apoio social e hipertension arterial esencial - Universidade de Vigo

- A familia é xeralmente a unidade fundamental de coidados, especialmente nos
procesos crónicos e nos que producen incapacidades.
- O apoio familiar ten un papel importante na neutralización do estrés.
- As relacións familiares disfuncionais poden producir, precipitar e contribuír ó
mantemento dos síntomas.
Excluíndo a transmisión directa de axentes infecciosos dun elemento familiar a outro,
existen dous grandes mecanismos ou vías segundo as que a familia pode influir na saúde dos seus
membros 6 :
a. - Vía psicofisiolóxica:
Situacións familiares como o estrés ou determinados acontecementos vitais afectan ó
estado emocional dun elemento da familia, do que poden resultan alteracións fisiolóxicas directas
as cales predispoñen ó individuo á doenza.
O mecanismo biolóxico do estrés sobre á saúde física está ben establecido, algúns
investigadores teñen demostrado a relación entre estrés e o sistema neuroendocrino 7 . Esto inclúe
a resposta “fight to flight” descrita por Canon: a súbita descarga do sistema nervioso simpático
desencadea a elevación da presión arterial, o incremento do ritmo cardíaco, a elevación de
catecolaminas e ácidos grasos libres. A síndrome de adaptacion xeral de Selye que abrangue o
tardío e prolongado efecto adrenocortical sobre o catabolismo proteico. Bovard describe a
existencia na zona anterolateral do hipotálamo dun circuito cerebral que antagoniza a resposta
neuroendocrina ó estrés ambiental. Bensón mediante a autohipnose acada a “resposta relaxante”,
que permite ó individuo controlar a porción do sistema nervioso autónomo activada na resposta
hipertensiva fronte ó estrés.
Os intermediarios bioquímicos entre as percepcións sensoriais e a resposta
neuroendocrina, ós acontecementos vitais estresantes e os estímulos do soporte social semellan
11