apoio social e hipertension arterial esencial - Universidade de Vigo

Estas características demográficas son semellantes á poboación hipertensa controlada nos
Equipos de Atención Primaria e referida noutros estudios 99, 100 , polo que os nosos resultados
poden ser extrapolados á poboación hipertensa atendida no primeiro nivel de atención sanitaria.
3.2. CARACTERISTICAS CLINICAS
As características clínicas da hipertensión arterial que presentan os pacientes
estudiados son as propias de individuos en control nos centros de saúde, ou sexa, hipertensións
esenciais de grao lixeiro e moderado; a maior parte sen repercusión en órganos diana e coas 2/3
partes en tratamento farmacolóxico.
A prevalencia de exceso de peso, diabete e dislipemia é similar a outras series do noso
mesmo ámbito 99, 100, 101, 102 .
3.3. CARACTERISTICAS FAMILIARES
Como corresponde á poboación tipo máis prevalente hoxe en día, predomina na
nosa mostra unha elevada proporción de individuos casados (64.8%) con familias nucleares
(69.3%). Unha tipoloxía familiar emerxente, neste estudio acada o 11%, é a familia
monoparental definida pola ausencia dun dos cónxuxes. A familia extensa está claramente en
retroceso e prácticamente desprazada a nucleos rurais. Na nosa mostra existe un 5.7% de familias
extensas. Como sería esperable, dada a idade media dos nosos pacientes, a maior parte deles
sitúanse na fase de contracción e disolución do ciclo vital familiar segundo a terminoloxía da
OMS.
106