apoio social e hipertension arterial esencial - Universidade de Vigo

Segundo as diferentes validacións doutros métodos de medida 75 76 77 78 79 80 81 82 , o
cumprimento autoinformado polo paciente subestima de forma significativa o incumprimento
(28.7%), pero ten unha alta especificidade (93.4%). O nivel de coñecemento da enfermidade
(método de Batalla) sobreestima significativamente o mal cumprimento (29.88%), pero é o
método con maior sensibilidade (81.9%), e un dos que teñen maior valor predictivo negativo
(61.5%).
Co cumprimento autoinformado polo propio paciente imos ter poucos falsos positivos
(falsos incumpridores) pero, pola súa baixa sensibilidade, presenta o inconveniente de xerar
moitos falsos negativos (falsos cumpridores). Na práctica clínica recoméndase combinar o
cumprimento autoinformado co nivel de coñecemento da enfermidade para diminuír os falsos
negativos e ponderar a valoración do incumprimento terapéutico. De todos xeitos, no noso
estudio, damos os resultados de adherencia independentemente para cada método, pois
investigacións futuras deberán analizar a validez da asociación de varios métodos indirectos ou
validar estes mesmos métodos tras intervencións mixtas, que aumenten os coñecementos e
modifiquen o comportamento, para comprobar se melloran os indicadores de validez.
3.- DISCUSION DOS RESULTADOS
3.1. CARACTERISTICAS DEMOGRAFICAS
Este estudio está realizado sobre poboación demandante dun Centro de Atención
Primaria, con diagnóstico previo de hipertensión arterial esencial e que está incluída no programa
de control da hipertensión do Centro de Saúde. Na mostra existe unha maior proporción de
mulleres ca de homes, posiblemente pola dificultade de acceso ó Centro nos individuos con
ocupación laboral. Predomina respecto do nivel de instrucción os estudios primarios, estando
incluídos a maioría dois individuos na clase social IV (traballadores manuais) e VI (xubilados,
amas de casa) de Salvany.
105