apoio social e hipertension arterial esencial - Universidade de Vigo

eves e de rápida cumprimentación; adaptándose moi ben as condicións de traballo dos centros
de saúde, onde o tempo, tan estimado polo médico e o usúario, é un factor moi importante.
Contamos con dúas validacións sobre mostras amplas en España no primeiro nivel de atención
sanitaria, e sobre poboacións semellantes a do noso estudio. Ofrecen uns coeficientes de
correlación elevados e con significación estatística de cada item respecto da puntuación global da
escala, o que corrobora que tódolos items avalian aspectos que están relacionados. A
homoxeneidade ou consistencia interna vén avalada por un valor da alfa de Cronbach (0.90)
suficientemente elevado como para establecer que a escala é consistente. Realizouse, durante a
validación, e para calcular a fiabilidade do cuestionario, un test-retest en pacientes elixidos ó azar,
con ou sen entrevistador, e unha análise factorial para analizar a súas dimensións. A validez do
constructo foi contrastada por unha serie de hipóteses avaladas na literatura.
Dados o elevado número de hipóteses aceptadas, a bidimensionalidade da escala, a
aceptable consistencia interna e os bos resultados na fiabilidade, podemos afirmar que a escala é
fiable e válida para poboacións urbanas do noso pais 89 90 .
Como fomos vendo, o apoio social ten un compoñente multifactorial, e é un factor que
pode modificarse a medida que o individuo avanza no seu ciclo vital e nas distintas situacións
demográficas. De aí o interese da monitorización nos estudios de seguimento para valorar a súa
estabilidade no tempo. Foi por iso polo que decidimos, no noso estudio, facer tres medicións
repetidas do apoio social: na captación dos pacientes, ós seis meses e ó final do estudio. Desta
maneira, puidemos identificar ós individuos que modifican o seu apoio social durante o tempo
analizado. Con probas estatísticas para medidas repetidas, observamos que, no noso caso, a
variable apoio social mantense estable durante o seguimento, pois non observamos diferencias
significativas entre a secuencia das tres medicións.
103