apoio social e hipertension arterial esencial - Universidade de Vigo

Outra opción posible, a utilización da Monitorización Ambulatoria da Presión Arterial
(MAPA), que ofrece numerosas medidas repetidas no mesmo individuo e cuantifica ben a
variabiliade horaria da presión arterial, ten os inconvenientes de que é máis custosa cá toma no
consultorio médico, non se realiza de maneira rutinaria en Atención Primaria de Saúde, e aínda
non existe un consenso internacional sobre as súas cifras de normalidade. A pesar de que xa
contamos con datos da relación entre as medidas do MAPA e a repercusión en órganos diana, non
contamos con estudios epidemiolóxicos que ofrezan resultados de eventos cardiovasculares,
resultados que, pola contra, si existen coa tensión arterial tomada no consultorio por
profesionais sanitarios 97 . Sabemos tamén que as cifras de tensión arterial tomadas con MAPA ou
no domicilio dos pacientes son menores que as determinadas no consultorio médico; e, se ben,
a determinación da presión arterial no consultorio podería estar sobreestimando as cifras de
tensión arterial, esta sobreestimación estaría afectando por igual a todos os pacientes incluídos
no estudio.
2.2.2. Medida do Apoio Social
Na cuantificación do apoio social como variable de estudio nos traballos de
investigación deberemos ter en conta dous posibles sesgos:
• A validez do instrumento de medida.
• A estabilidade do apoio social ó longo do tempo, se se tratase de estudios de
seguimento.
Con respecto da validez do instrumento de medida, no noso caso, optamos pola
utilización do cuestionario de DUKE-UNC 11 para medir o apoio social funcional 88 e do método
de Blake e Mckay 91 para cuantificar o tamaño da rede social (apoio social estructural). Ambos
son escalas de aplicabilidade real na práctica cotiá da Atención Primaria por seren sinxelos,
102