apoio social e hipertension arterial esencial - Universidade de Vigo

análise estatística comparativa cos pacientes que permaneceron no estudio polo escaso “n”. Cando
se prolongue o seguimento, aparecerá un maior número de eventos cos que se poderá realizar
asociacións estatísticas máis consistentes.
2.2. DISCUSION DOS INSTRUMENTOS DE MEDIDA
2.2.1. Toma de Tensión Arterial
E suficientemente coñecida a variabilidade na toma da tensión arterial,
interindividual e dependente do observador 95 . A non estandarización das cifras de presión arterial
podería sesgar os resultados do estudio. Para controlar este sesgo, a metodoloxía empregada para
a determinación da tensión arterial no consultorio é a recomendada polo Consenso para el control
de la Hipertensión Arterial en España como se describe en Material e Métodos. Por outra parte
deberemos ter en conta que a maior parte dos pacientes levan incluídos no programa de
detección e control da hipertensión arterial do Centro de Saúde cunha media de 6 anos, sendo
pois, á toma de tensión arterial un acto usúal e rutinario, o que contribúe a que as determinacións
se fagan en condicións basais.
A toma da presión arterial é realizada por profesionais de enfermería adestrados e que
habitualmente atenden os mesmos pacientes, isto contribúe a minimizar a reacción de alerta
coñecida como “efecto bata branca”, que é menor co persoal de enfermería ca cos médicos 95 .
Para evitar o sesgo do observador optamos pola cuantificación da presión sanguínea a
través do aparello semiautomático OMRON – CP 750, previamente calibrado, con brazal
adaptable no caso de pacientes obesos e seguindo as recomendacións da Sociedade Británica de
Hipertensión para este tipo de aparellos 96 .
101