apoio social e hipertension arterial esencial - Universidade de Vigo

Nós quixemos centrarnos nos efectos que produce o apoio social en individuos
diagnosticados de hipertensión arterial por tres motivos:
1. Por unha cuestión de tipo práctico e operativo, dada a accesibilidade e doado
seguimento dos pacientes desde o centro de saúde.
2. Por sabermos, que a problemática cardiovascular é o primeiro problema de saúde no
noso medio, sendo escasos os estudios similares en poboación hipertensa e non
encontrando ningún realizado en España.
3. E por último, xa que pensamos que con este deseño poderíamos aportar algunha
aclaración ó problema do incumprimento terapéutico.
2.- DISCUSION DO METODO
2.1 ANÁLISE DAS PERDAS DURANTE O SEGUIMENTO
Obtivemos un total de 54 casos (22.88%) que non completaron o estudio. Máis
da metade deles (30) 55.6% forón debidos á mala adherencia ó programa de seguimento e control
da hipertensión arterial. Consideramos paciente perdido por mala adherencia a aquel que non
acode ás citas concertadas de toma da tensión arterial tras dous intentos infructuosos de
recaptación telefónica. O estudio dos pacientes con mal cumprimento realízase no apartado da
adherencia os tratamentos.
En 13 casos (24.1%) perdemos os pacientes por cambio de residencia e, por tanto, de
centro de saúde. En 11 casos (20.4%) obxectivouse unha causa médica durante o seguimento con
6 falecementos, 4 aparicións de enfermidades graves non cardiovasculares e 1 caso de
institucionalización da persoa. Dado o escaso número de perdas por causa médica, non se realiza
100