apoio social e hipertension arterial esencial - Universidade de Vigo

atención á relación entre familia e saúde física. Por iso na última década proliferaron cada vez
máis os traballos de investigación e documentos que describen diferentes abordaxes dos coidados
médicos dentro dunha perspectiva familiar.
Podemos definir a familia como o grupo de persoas vinculadas por algún tipo de relación
biolóxica, emocional ou legal. Entre todos os grupos humanos destas características, a familia
demostrou ser o máis duradeiro e universal 3 . A familia é o ámbito ó que recorren os individuos
para satisfacer as súas necesidades de seguridade física e emocional, de saúde e benestar. A
familia segue sendo a unidade básica de relación na nosa sociedade.
Os individuos para sobrevivir precisan estar agregados a un grupo que sirva de protección
e entorno para desenvolver a sús personalidade. A existencia dunha relación entre enfermidade
e familia é unha evidencia acumulada: a inexistencia de relacións intrafamiliares estreitas está
asociado a un incremento da patoloxía e a unha maior utilización dos servicios sanitarios. Non
debemos esquecer que o efecto da familia sobre á saúde é predominantemente positivo. A familia
contribúe á saúde a través das súas actividades básicas: proporciona vivenda e dieta adecuada,
ensina ás bases da hixiene e coidados da saúde, axuda a recoñecer á aparición das doenzas e
facilita coidados ós membros que caen enfermos. Tanto é así que a maioría dos problemas
sanitarios son resoltos sen recorrer ós servicios médicos e unha boa parte destes coidados son
aportados dentro da unidade familiar 4 .
A familia tamén é unha unidade epidemiolóxica na medida en que a transmisión e
contaxio de determinadas patoloxías vese favorecida pola proximidade entre os seus membros que
comparten un ambiente físico común o que determina á exposición duns riscos concretos. Xunto
ós efectos da herencia e a convivencia no mesmo ambiente existen outros factores que revelan a
importancia da familia no campo da saúde 5 :
- A familia condiciona decisivamente as crenzas, actitudes e comportamentos dos
individuos fronte á saúde, á enfermidade e ós servicios sanitarios.
10